Gyda Llaw (From Western Telegraph)

Gyda Llaw

In our Welsh language column Gyda llaw (By the Way) Eifion Jenkins provides a list of words to assist Welsh learners.

MAE'R gwyliau yn dod i ben, mae'r plant yn mynd nl i'r ysgol ac mae digon o bwysau hyd yn oed ar oedolion y dyddiau yma i ddysgu sgiliau newydd.

Dyma'r amser felly i feddwl eto am ddysgu Cymraeg, neu yn hytrach, gan eich bod yn darllen y golofn yma, wella safon eich siarad neu ysgrifennu neu gael rhyw fath o gymhwyster.

Dwi'n gwybod, nid dyma'r tro cyntaf i chi feddwl am ei wneud. Efallai eich bod wedi dilyn cwrs o'r blaen ond yn dal i deimlo nad ych wedi cyrraed y safon oech chi'n anelu ato. Mae'n digwydd i bawb. Nid rhywbeth hawdd yw meistroli iaith newydd - ac mae mynd nl ati ar l cyfnod o adael pethau i fynd yn gallu bod yn brofiad llwyddiannus. Maen syndod faint o bethau sy'n gallu suddo mewn pan nad ych chi'n meddwl amdanyn nhw!

Yn sicr does dim gwell gyfleuon wedi bod. Mae sawl canolfan ddysgu yn cynnig amwrywiaeth o gyrsiau - o ddechreuwyr hyd at y rhai profiadol sy'n mo'yn gloywi iaith neu gymeryd y cam mawr dros y bont i fod yn Gymro Cymraeg llawn.

Mae'r pwyslais heddiw ar ddysgu pobol i siarad yr iaith - dynar Wlpan, cwrs carlam sy'n gofyn am o leiaf pedair awr yr wythnos am 30 wythnos.

Gallwch ddilyn hwn gyda chyrsiau uwch o wahanol safonau. Maen nhw'n cael eu trefnu gan Adran Addysg Barhaol, Prifysgol Aberystwyth, a dylech gysylltu , Phyl Brake ar 01570 423332 am ragor o fanylion.

Os oes brys arnoch chi mae hyd yn oed Super Wlpan 300-awr gan Goleg y Drindod, Caerfyrddin - manylion ar 01267 676767. Yr ail lwybr yw'r dosbarth unwaith yr wythnos syn rhoi rhwng 45 a 60 awr y flwyddyn ac mae'n bosibl i ddilyn trywydd y lefelau gwahanol dros gyfnod o bedair mlynedd. Mae Sadyrnau Siarad yn rhoi cyfle ychwanegol i chi ymarfer yr iaith ar yr un pryd.

Mae Sir Benfro yn Dysgu er enghraifft (yr hen Simtra a fu), sydd , chanolfannau yng Nghrymych, Abergwaun, Hwlffordd, Aberdaugleddau, Arberth, Neyland, Doc Penfro a Dinbych-y-Pysgod, yn cynnig llawer iawn o gyrsiau, yn cynnwys yr Wlpan. Cysylltwch, 01834 860293 yn y lle cyntaf i wybod mwy.

Yn drydydd ych chi'n gallu ei gwneud hi eich hunan. Mae'r BBC yn rhedeg y cwrs radio poblogaidd Catchphrase, mae Acen yn cynnig cyrsiau teledu ac ar y we (HYPERLINK "http://www.acen.co.uk" www.acen.co.uk ), mae Prifysgol Morgannwg yn cynnig cwrs trwy'r post ac mae Prifysgol Llanbedr Pont Steffan yn cynnig dysgu ar y we hefyd. Mae'r cyrsiau i gyd yn gallu arwain at dystysgrif neu gymhwyster o ryw fath ac yn gallu bod yn rhan o'r cynllun Cyfrifon Dysgu Unigol.

Ac wrth gwrs mae digonedd o lyfrau, cyrsiau t,p ac yn y blaen i'u dilyn yn eich amser eich hunan. Dim esgus felly. Beth amdani!

GEIRFA I DDYSGWYR

Pwysau - pressure Cymhwyster - qualification Anelu - to aim Meistroli - to master Suddo - to sink Prfiadol - experienced Gloywi - to polish Pwyslais - emphasis Cwrs carlam - crash course Uwch - higher Manylion - details Os oes brys arnoch - if you're in a hurry Trywydd - trail Ychwanegol - extra Tystysgrif - certificate Cyfrifon Dysgu Unigol - Individual Learning Accounts Beth amdani - how about it