Gyda Llaw (From Western Telegraph)

Gyda Llaw

MEREDYDD Barker, yn wreiddiol o Ogledd Sir Benfro, bellach wedi ymgartrefu yn Arberth yw dramodwr Buzz - cynhyrchiad Cymraeg nesaf Sgript Cymru Pan agorodd drama gyntaf (Saesneg) Meredydd The Rabbit yn Theatr Clwyd, llanwodd y theatr chynulleidfa mewn cariad a'i ffordd o weld y byd - er bod neb wedi clywed ei enw o'r blaen.

Dyma ei ddrama Gymraeg gyntaf - dramodydd talentog sydd ffordd arbennig am godi stwr dramatig mewn dyfroedd tawel.

Yng ngeiriau un o'r actorion, mae hi'n "epig o ddrama, yn theatrig, barddonol, a chwareus" am fachgen o'r enw Ifan sydd yn gweld y byd yn wahanol i chi a fi.

Mae'n gaeth mewn ty ger y mr yn Ne Orllewin Cymru, yn syllu allan dros y mr drwy ei delesgop, a thrwy'r ddrama, yn chwilio am synnwyr. Mae hwnnw yn dod fel petai drwy galeidoscop wedi i'r gwirionedd gael ei liwio, chwyrlo a chwalu gan ei ddwy chwaer.

Mae Meredydd, mab y gantores Ruth Barker, wedi 'dod adref' i ysgrifennu ar l gyrfa fel cerflunydd. Yn Lerpwl dechreuodd ysgrifennu ar lannau'r Ferswy a ffeindio fod y geiriau yn llifo i ysgrifennu The Rabbit, ac yn awr gartref eto yn ysgrifennu Buzz sy'n dod i Neuadd y Frenhines, Arberth, ar ddydd Gwener.

"Mae'n fraint i fod yn teithio yn fy iaith fy hunan, yn 'ngwlad 'n hunan. Dyw e ddim yn dod yn well na hynny," meddai'r awdur, 34 oed.

Cyfarwyddwr y ddrama yw Elen Bowman - cyfarwyddwr Amdani! a enillodd gwobr 'cynhyrchiad Cymraeg gorau' www.theatre-wales.co.uk 2003. Mae Elen yn fwy adnabyddus i bobl yr ardal fel Buddug Morgan (cyn iddi newid ei henw) - merch o Abertawe a chwaer i'r actores Rhian Morgan sydd hefyd yn actio yn Buzz. Dyma'r tro cyntaf i'r ddwy weithio a'u gilydd yn y modd yma. Diddorol wir - gan gysidro mai drama am berthnasau a theulu yw'r ddrama o o o o o o DIOLCH i un o'm darllenwyr am gywiro camgymeriad mewn colofn yn ddiweddar. Wrth sn am y sitcom enwog Fo a Fe, awgrymais fod y Fo oedd Ronnie Williams. Charles Williams, wrth gwrs, oedd yr actor, a chwaraeodd rhan Harry Parry hefyd yn yr opera sebon Pobol y Cwm. Mae'n siwr mai partner Ryan Davies yn y deuawd Ryan a Ronnie oedd yn fy meddwl ar y pryd. Diolch i Mr R S Robertson o Hwlffordd am y gwybodaeth. Awgrymodd, yn garedig iawn, efallai fy mod yn rhy ifanc i cofio. Dim esgus fan'na, Mr Robertson, mae arna i ofn, er gwaetha'r llun ar ben y golofn yma - mae safon yr argraffu mewn papurau newydd yn gwneud gwyrthiau o ran cuddio'r crychau!