Gyda Llaw (From Western Telegraph)

Gyda Llaw

YN yr hen ddyddiau roedd dwy ffordd o ddysgu Cymraeg - darllen llyfr neu fynd i ddosbarth nos.

Ond efallai erbyn hyn rych chi wedi dod ar draws Colin & Cumberland, gyfres deledu newydd sy'n cyd-redeg ar BBC1 Wales a BBC2W, gyda rhagor ar Radio Wales.

Mae'r rhaglenni braidd yn swreal yn cynnwys dyn di-waith yn glaf o gariad ynghyd chi sy'n smygu sigars ac yn bwyta Walnut Whips.

Y llais sy tu l y gyfres gartwn yw'r seren roc Stuart Cable. Ers i'r drymiwr gael ei daflu mas o grwp llwyddiannus y Stereophonics, mae wedi ail-greu ei hunan fel seleb a chyflwynydd teledu.

Mae Colin & Cumberland yn cyflwyno gwylwyr i'r pentref Cymreig ffug Aberant gyda'i gymeriadau rhyfedd.

Achos nad yw Colin yn siarad Cymraeg mae'n rhaid iddo ddibynnu ar y Cumberland dwyieithog.

Ac os ydy e am wneud argraff ar y ferch drws nesaf sy'n rhedeg siop y pentref, bydd rhaid iddo ddysgu ambell i air Cymraeg.

Er fod y deialog yn Saesneg gan fwyaf, mae'na gyfle i wylwyr ddysgu tipyn bach o Gymraeg o'r gyfres - a llawer mwy ar y safle we.

Dyna obaith Elwa, y cyngor cenedlaethol er addysg ac hyfforddi, sydd wedi ariannu ymgyrch posteri yn annog pobl i "Bone up on your Welsh".

Mae Colin & Cumberland wedi cael ei anelu at bobl rhwng 18 a 40 ac mae'r safle we bbc.co.uk/colinandcumberland yn llawn gemau i helpu gloywi iaith.

"Hoffai llawer o oedolion yn ddysgu tipyn bach o Gymraeg ond dyn nhw ddim yn teimlo'n barod i fynychu cwrs iaith," meddai un o'r tim cynhyrchu Sioned Wyn Roberts. "Mae'r gyfres animeiddiedig - a'r wefan yn arbennig - yn cynnig y cyfle i gael hwyl tra'n dysgu ychydig o eiriau Cymraeg ar yr un pryd."

AC os ych chi'n un o enwogion Cymru, wrth gwrs, mae'na ffordd arall o ddysgu'r iaith - ar raglen realiti.

Mae Stuart Cable ymysg pump o enwogion sydd wedi derbyn The Big Welsh Challenge with Tanni Grey-Thompson ar BBC1 Wales ar ddydd Llun.

Bydd Stuart ynghyd Derek Brockway, Sin Williams, Suzanne Packer a Steve Meo yn ceisio dysgu Cymraeg dros y ddeuddeg mis nesaf gyda help pobl fel Dewi Pws Morris, Sian Lloyd, Aled Jones, Donna Edwards a Siwan Morris.

In our Welsh language column Gyda llaw (By the Way) Eifion Jenkins provides a list of words to assist Welsh learners.

Claf o gariad - lovesick Ffug - fictional Cymeriadau - characters Argraff - impression Ariannu - to fund Ymgyrch - campaign Annog - to urge Anelu - to aim Enwogion - celebrities