Cafodd Cylch Meithrin Penparc lwyddiant ysgubol ym mhedwaredd seremoni’r Gwobrau Mudiad Meithrin yn ddiweddar.
Bwriad y gwobrau blynyddol yw cydnabod a dathlu’r gwaith da sy’n cael ei wneud ar lawr gwlad, a chafwyd cannoedd o enwebiadau eleni eto gan rieni’r plant sy’n mynychu’r cylchoedd meithrin.
Enwebwyd cylch Penparc mewn pump o wyth categori cymwys, ac aeth y staff ac aelodau pwyllgor i Theatr y Werin yng Nghanolfan Gelfyddydau Aberystwyth ar Hydref 19 i gasglu eu tystysgrifau.
Cipiodd y cylch y wobr gyntaf yng nghategorïau Pwyllgor ac Ardal Allanol, ar ôl creu argraff dda gyda’i system dalu newydd, rhoi’r cynnig gofal 30 awr ar waith a hefyd ennill nifer o grantiau i wella’r cyfleusterau.
Cafodd Mary Short ei chydnabod hefyd yn yr ail safle yng Nghymru yn y categori Cynorthwy-ydd, er clod i’w hymroddiad i blant y cylch.
I goroni’r cyfan, enillodd y cylch ddwy wobr yn y trydydd safle yng nghategorïau Cynhwysiant a Dewin a Doti.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here